Hobit abo tam i nazŏd

Hobit abo tam i nazŏd - Opis

Klasyczny roman ôd J.R.R. Tolkiena przełożony na ślonski jynzyk. ,,Hobit" boł wydany po piyrszy roz we 1937 roku i zaroz boł pozytywnie przijynty tak ôd krytykow, jak tyż ôd czytoczow. Je to piyrszo ze gyszicht, co sie dziejom we świecie Strzodziymio, i prawi historyjo ôd Bilbo Bojteloka, tytułowego hobita, co mo rod swoj dom i pokoj, a wybiyro sie na przigoda, żeby zdobyć tajla skarbu wachowanego ôd dracha Smauga.

Dziynki ,,Hobitowi", a społym ś nim dziynki trylogiji ,,Pon Piestrzyni" świat zaciekawiyła fantastyka, toż skirz tego autora dzisiej sie widzi za ôjca wysokij fantastyki, a ôbie gyszichty to je ôbowionzkowo pozycyjo na połce ôd kożdego fana tego gatonku.

Hobit małowiela niy wyskoczoł ze skory, jak syczynie doszło do jego uszow, i naroz ôboczoł blade ôczy wytrzyszczać sie na niego.

- Ftoś ty je? - pedzioł a wyciong sztylet przed siebie.

- Co ôn je, moj sacss? - szepnoł Golum (co dycki prawioł do siebie, bo nigdy niy mioł żodnego, co by do niego mog mowić). To bez to sam prziszoł, bo naprowda w tyj chwili niy mioł głodu, boł ino ciekow. We inkszym przipodku nojprzod by chycioł, a dopiyro potym szeptoł.

- Joch je pon Bilbo Bojtelok. Stracioł żech cwergi i czarownika i niy wiym, kaj żech je. I niy chca tego wiedzieć, jak ino stond poda.

- Co ôn mo we ronckach? - spytoł Golum, kej patrzoł na miecz, co mu sie blank niy podoboł.

- Miecz, ôrynż ze Gondolinu!

- Sssss - prawioł Golum i zrobioł sie moc uprzyjmy. - Mozno siednie sam i poôzprawio konsecek, moj sacss. Rod mo zogodki, (...) więcej pra?

Ksionżka z ôryginalnymi ôbrozkami z brytyjskego wydanio, ilustracyjo na ôkładzina naszykowoł Grzegorz Chudy. Spis treści:
Okładka
Karta tytułowa
Karta redakcyjna
Spis treści
Throrowa Karta
Rozdzioł I. Niyôczekowan gościna
Rozdzioł II. Barani piecznka
Rozdzioł III. Krtki ôdpoczynek
Rozdzioł IV. Nad zgrzym i pod zgrzym
Rozdzioł V. Zgdki we ćmie
Rozdzioł VI. Z dyszcza pod rynn
Rozdzioł VII. Dziwny kwatyr
Rozdzioł VIII. Muchy i pajnki
Rozdzioł IX. Beczkow kntrabanda
Rozdzioł X. Ciepłe przijyńcie
Rozdzioł XI. Na progu
Rozdzioł XII. Sekretn informacyj
Rozdzioł XIII. Niy w dma
Rozdzioł XIV. Ôgyń i woda
Rozdzioł XV. Zbiyrajm sie chmury
Rozdzioł XVI. Złodziyj we nocy
Rozdzioł XVII. Chmury pynkajm
Rozdzioł XVIII. Drga nazd
Rozdzioł XIX. Ôstatni etapa
Dziczyna
Notki ô twrcach mniej